بالاں دی دند صاف کرن بارے رہنمائی
صحت مند مسکاناں گھروں شروع ہوندیاں نیں: تہاڈے بچے دے دند صاف کرن بارے رہنمائی
صحت مند مسکاناں گھروں شروع ہوندیاں نیں: تہاڈے بچے دے دند صاف کرن بارے رہنمائی
بالاں دے دند صرف کھان دا ول سکھن والے دند نہیں ہوندے۔ اوہ چَک مارن اتے کسے شئے نوں چِتھن وچ بالاں دی مدد کردے نیں، بول چال سکھن وچ ہتھ ونڈاؤندے نیں، وڈیاں جیاں والے دنداں نوں آپنی تھاں تے جمنڑ وچ رہنمائی کردے نیں اتے مُسکاؤندے ہوئے اعتماد ودھاؤندے نیں۔ جدوں دنداں دی سانبھ نہیں کیتی جاندی، تاں دنداں نوں کریڑا لگ جاندا اے جیہدے نال دند پیڑ ہو سکدی اے، انفیکشن ہو سکدی اے اتے لمے چر لئی منہ دی صحت دے مسئلے بن سکدے نیں۔
کیہ تہانوں پتہ سی؟
5 توں 9 ورھیاں دے بالاں واسطے کریڑا لگے دنداں نوں کڈھنا سب توں ودھ عام آپریشن ہوندا اے۔
بالکل شروع توں ای بالاں دے دند برش نال صاف کرنا نیانے توں سیانا ہون تیکر منہ دی صحت دیاں چنگیاں عادتاں پاؤن وچ مدد کردا اے۔
باہمی تعاون نال بنایا گیا منجانب
بالاں دے دند برش نال صاف کرنا
برش کدوں کرنا اے:
- جیویں ای پہلا دند نکلے (عام طور تے 6 مہینے دے نیڑے)۔
- گھر وچ روز دو واری برش کرو، اچیچا بسترے وچ وڑن توں پہلاں۔
- آپنے بچے دے 3 سال دا ہون تیکر آپ برش کرو۔ فیر گھٹوگھٹ 7 سال تیکر نگرانی کرو۔
برش کیویں کرنا اے
- 2 منٹاں لئی برش کرو، کوئی دند رہ نہ جاوے۔
- تھُک دیو، کرُولی نہ کرو، تاں جے فلورائیڈ دی تہہ دنداں تے لگی رہ جاوے۔
- نکے نکے گولکدارے ورتدیاں برش کرو، ہر تھاں تیکر پہنچو۔ مسوڑھے اتے دنداں دے پچھلے پاسے آرام نال نال برش کرنا چیتے رکھو۔
تہانوں کاہدی لوڑ اے؟
اک نکے سِرے والا، نرم یاں درمیانے نرم ریشے والا دند صاف کرن والا برش
دند صاف کرن والا برش ہر 3 مہینے مگروں، یاں جے ریشے خراب ہو جان توں پہلاں بدلو۔
فلورائیڈ ٹوتھ پیسٹ
- - 3 سال توں گھٹ عمر لئی
ٹوتھ پیسٹ دی پتلی جہی تہہ جیہدے وچ گھٹو گھٹ 1000 پی پی ایم (فی میلیئن حصے) فلورائیڈہووے۔ - - 3سال توں ودھ عمر لئی
مٹر دے دانے جنی ٹوتھ پیسٹ جیہدے وچ 1350-1500 پی پی ایم دے وچکار فلورائیڈ ہووے
فلورائیڈ دیاں پدھراں لئی ٹوتھ پیسٹ دی ڈبی دیکھو۔
چوٹی دیاں صلاحواں
- بالاں نوں پورے دو منٹ برش کرن لئی ہلاشیری دین واسطے دند برش کرن والا اک گیت یاں کوئی دیکھن والی شئے ازماؤ۔ دند برش کرن بارے گیت لبھن واسطے ساڈے فیدے مند لنکس دے صفحے تے جاؤ۔
- اک شیشہ ایہہ دیکھن وچ بالاں دی مدد کر سکدا اے بئی اوہ کتھے برش کر رئے نیں۔
- ہلاشیری دین واسطے آپنے بچے دے نال نال اک پسند دے کھڈونے دے دند برش کرو۔
- چنگی طرح دند برش کرن دا نمونہ دکھاؤن واسطے آپنے بچے دے نال نال آپے وی برش کرو۔
منہ دی چنگی صحت نوں یقینی بناؤن دے ہور طریقے
ایہہ بس برش کرن دی گل نئیں اے۔ ہور شیواں وی نیں جیہڑیاں تہانوں ایہہ یقینی بناؤن لئی کرنیاں چاہیدیاں نیں بئی تہاڈے بچے دے دند تے مسوڑھے صحت مند ہووَن۔
غذا
- مفت مٹھا' گھٹا دیو (کھان پین وچ رلایا ہویا کوئی وی وادھو مٹھا))جیویں کیک، مٹھیائیاں،، چٹنیاں،، جوس، سمودی اتے کجھ دہی اتے ناشتے دے سیریلز وچ۔
- پین والی مُڈھلی شئے دے طور تے پانی یاں دُدھ دیوو۔ جیکر تسیں مٹھے والیاں شیواں پِین لئی دیندے او، اوہناں نوں صرف کھان دے ویلیاں تیکر ای رکھو اتے یقینی بناؤ بئی اوہناں نوں چنگی
- کھانیاں دے وچکار مٹھیاں تے مشتمل سنیکس اتے ڈرنکس گھٹا دیو۔
- تسیں ڈبیاں وچوں جیہڑیاں شیواں چوسدے او اوہ گھٹ کر دیو۔ اوہناں نوں ورتدے ہوئے، چُوسن دی تھاں اوہناں نوں چمچی وچ نچوڑ لؤ۔
بوتلاں، کپ اتے گھُٹ گھُٹ کر کے پینا
- 6 مہینیاں توں، اک کھلے منہ والا کپ یاں آزاد بہاء والے وال والا کپ بالاں نوں دیو۔
- 12 مہینیاں توں، بوتلاں یاں گھُٹ گھُٹ پین والے کپاں توں ولاؤ جیہناں نوں چُوسن دی لوڑ ہوندی اے۔
دنداں دے ڈاکٹر کول پھیرے
- تہاڈے بچے دا پہلا دند نکلن اتے اوہناں دی پہلی سالگرہ توں پہلاں آپنے بچے نوں دنداں دے ڈاکٹر کول لے جان لئی ملاقات دا ویلا طے کرو۔
- باقاعدگی نال معائنے کرواؤندے رَئو۔ دنداں دے ڈاکٹر چھیتی مسئلے پھڑ سکدن نیں تے کریڑا لگن نوں روکن وچ مدد کردے نیں۔
- آپنے بچے دی منہ دی صحت دا خیال رکھن بارے آپنی ڈینٹل ٹیم کولوں صلاح لؤ۔
اچیچیاں تعلیمی لوڑاں اتے معذوریاں (SEND) والے بالاں نوں آسرا دینا
SEND والے بالاں، اچیچا اوہ جیہناں دیاں حسی لوڑاں، حرکی مہارتاں یاں بول چال دیاں اوکڑاں نیں اوہناں نوں برش کرنا اوکھا لگ سکدا اے۔(SEND) جِنی چھیتی ہو سکے دند برش کرن دا اک چنگا معمول بنا لینا اہم اے کیوں جے وڈے بالاں نوں ایہہ سکھاؤنا اوکھا ہو سکدا اے۔ سیاناں ولوں بہت ساریاں صلاحواں اتے رہنمائی دستیاب نیں۔
چوٹی دیاں صلاحواں
- ٹوتھ پیسٹ دے وکھو وکھ ذائقے یاں وکھو وکھ سائز اتے چھوہ والے برش ازماؤنا
- برش کرن نال جان پچھان ہولی ہولی کرواؤ: دند صاف کرن والا برش بُلھاں تے رکھ کے شروع کرو، فیر مرحلہ وار منہ دے اندر لے جاؤ
- وکھو وکھو تھاواں(جیویں بیڈروم یاں صوفہ))تے دند برش کرنا بالاں نوں ہور سکون محسوس کروا سکدا اے۔