બાળકો માટે ટૂથબ્રશ કરવાની માર્ગદર્શિકા
Healthy smiles start at home: a guide to brushing your child’s teeth
બાળકના દૂધિયા દાંત શા માટે મહત્વપૂર્ણ છે?
બાળકના દૂધિયા દાંત માત્ર પ્રેક્ટિસ માટેના દાંત નથી. તે બાળકોને ખાવા અને ચાવવામાં મદદ કરે છે, બોલવાના વિકાસમાં મદદ કરે છે, કાયમી દાંતને યોગ્ય જગ્યાએ આવવામાં માર્ગદર્શન આપે છે અને સ્મિત કરતી વખતે આત્મવિશ્વાસમાં વધારો કરે છે. જ્યારે દાંતની સંભાળ લેવામાં આવતી નથી, ત્યારે દાંતમાં સડો થઈ શકે છે, જે દુ:ખાવો, ચેપ અને મોંની લાંબા ગાળાની સ્વાસ્થ્ય સંબંધિત સમસ્યાઓ ઊભી કરી શકે છે.
શું તમે જાણો છો?
5-9 વર્ષના બાળકોમાં સડો થયેલો દાંત કઢાવી નાખવો એ સૌથી સામાન્ય ઓપરેશન છે.
શરૂઆતથી જ બાળકોના દાંત બ્રશ કરવાથી બાળપણથી લઈને પુખ્તાવસ્થા સુધી મોંના સ્વાસ્થ્યની સારી ટેવો વિકસાવવામાં મદદ મળે છે.
ના સહયોગથી બનાવેલ
બાળકોના દાંત બ્રશ કરાવવું
ક્યારે બ્રશ કરાવવું:
- પહેલો દાંત આવે કે તરત જ શરૂ કરો (સામાન્ય રીતે 6 મહિનાની આસપાસ).
- ઘરે દિવસમાં બે વાર બ્રશ કરાવો, ખાસ કરીને સૂતા પહેલાં.
- તમારું બાળક 3 વર્ષનું થાય ત્યાં સુધી બ્રશ કરાવો. પછી ઓછામાં ઓછી 7 વર્ષની ઉંમર સુધી દેખરેખ રાખો.
બ્રશ કેવી રીતે કરાવવું
- દરેક દાંતને આવરી લઈને 2 મિનિટ સુધી બ્રશ કરાવો.
- Spit, don't rinse with water, to leave the fluoride coating the teeth.
- થૂંકી નાંખવાનું કહો, ફ્લોરાઇડ દાંત પર આવરણ બનાવે તે માટે પાણીથી કોગળા ન કરો।
તમારે શેની જરૂર પડશે?
નાના માથાવાળું, મુલાયમ અથવા મધ્યમ-મુલાયમ રેસા ધરાવતું ટૂથબ્રશ
દર 3 મહિને ટૂથબ્રશ બદલો, અથવા રેસા તૂટી ગયા હોય તો તેની પહેલાં બદલો.
ફ્લોરાઇડ ટૂથપેસ્ટ
- - 3 વર્ષથી ઓછી ઉંમરના
ઓછામાં ઓછા 1000ppm (પ્રતિ મિલિયન ભાગ) ફ્લોરાઇડ ધરાવતી ટૂથપેસ્ટનું સ્તર - 3+ વર્ષ
1350-1500ppm ફ્લોરાઇડ ધરાવતી ટૂથપેસ્ટનું વટાણાના દાણા જેટલું પ્રમાણ
ફ્લોરાઇડના સ્તરો માટે ટૂથપેસ્ટનું પેકેજિંગ તપાસો.
મુખ્ય સૂચનો
- બાળકને પૂરી બે મિનિટ સુધી બ્રશ કરવા પ્રોત્સાહિત કરવા માટે ટૂથબ્રશ કરવા વિશેનું ગીત અથવા વિઝ્યુઅલ સમય અજમાવો. ટૂથબ્રશ કરવા વિશેના ગીતો શોધવા અમારા ઉપયોગી લિંક્સના પૃષ્ઠ પર જાવ।
- તેઓ ક્યાં બ્રશ કરી રહ્યાં છે તે જોવા માટે બાળકોને અરીસો મદદ કરી શકે છે।
- પ્રોત્સાહન માટે તમારા બાળકની સાથે મનપસંદ રમકડાંના દાંત બ્રશ કરાવો।
- સારા ટૂથબ્રશિંગનું મોડેલ બનાવવા માટે તમારા બાળક સાથે બ્રશ કરો।
મોં સંબંધિત સારું સ્વાસ્થ્ય સુનિશ્ચિત કરવાના અન્ય માર્ગો
તે માત્ર બ્રશ કરવા વિશે જ નથી. તમારું બાળક સ્વાસ્થ્યપ્રદ દાંત અને પેઢાં ધરાવતા હોવાનું સુનિશ્ચિત કરવા તમે કરી શકો તેવી અન્ય બાબતો પણ છે.
આહાર
- કેક, મીઠાઈઓ, સૉસ, જ્યુસ, સ્મુધી અને કેટલાક દહીં અને નાસ્તાની સિરિયલમાં હોય તેવી ‘વધારાની ખાંડ’ (ખોરાક અથવા પીણાંમાં ઉમેરેલી કોઈપણ ખાંડ) ઓછી કરો.
- મુખ્ય પીણાં તરીકે પાણી અને દૂધ આપો. જો તમે ખાંડવાળા પીણાં આપતા હોવ, તો તેને માત્ર ભોજન સમય સુધી જ મર્યાદિત રાખો અને સુનિશ્ચિત કરો કે તે ખૂબ સારી રીતે પાતળા બનાવવામાં આવ્યા હોય.
- બે ભોજનની વચ્ચે ખાંડવાળા નાસ્તા અને પીણાં ઓછા કરો.
- પાઉચમાંથી ચૂસવામાં આવતા ખોરાકનો ઉપયોગ મર્યાદિત કરો. તેનો ઉપયોગ કરતી વખતે ચૂસવાને બદલે તેને ચમચી પર કાઢો.
બોટલ, કપ અને ચૂસકી ભરવી
- 6 મહિના પછી ખુલ્લો કપ અથવા મુક્ત પ્રવાહવાળો વાલ્વ ધરાવતો કપ આપો.
- 12 મહિના પછી બોટલ અથવા ચૂસવાની જરૂર પડે તેવા સિપી કપ ટાળો.
ડેન્ટીસ્ટની મુલાકાતો
- એકવાર તેમના પહેલા દાંત આવે એટલે અને તેમના પહેલા જન્મ દિવસ પહેલાં તમારા બાળકની ડેન્ટલ અપોઇન્ટમેન્ટ ગોઠવો.
- નિયમિતપણે તપાસ કરાવતા રહો - ડેન્ટીસ્ટ સમસ્યાઓને વહેલી શોધી શકે છે અને સડો અટકાવવામાં મદદ કરે છે.
- તમારા બાળકના મોંના સ્વાસ્થ્યની દેખરેખ રાખવા ડેન્ટલ ટીમ પાસે સલાહ માગો.
વિશેષ જરૂરિયાતો અને વિકલાંગતા (SEND) ધરાવતા બાળકોને સહાય કરવી
SEND ધરાવતા, ખાસ કરીને સંવેદનાત્મક જરૂરિયાતો, મોટર સ્કીલ અથવા વાતચીત સંબંધિત પડકારો ધરાવતા બાળકોને બ્રશ કરવાનું અઘરું લાગી શકે છે. શક્ય એટલો વહેલો ટૂથબ્રશ કરવાનો નિત્યક્રમ બનાવવો મહત્ત્વપૂર્ણ છે, કારણ કે બાળકો થોડા મોટા થાય પછી તે શરૂ કરવાનું અઘરું પડી શકે છે. પુષ્કળ પ્રમાણમાં નિષ્ણાત સલાહ અને માર્ગદર્શન ઉપલબ્ધ છે.
મુખ્ય સૂચનો
- અલગ-અલગ ફ્લેવરની ટૂથપેસ્ટ અથવા અલગ-અલગ સાઇઝ અને પ્રકારના ટૂથબ્રશ અજમાવવા
- બ્રશ કરાવવાની શરૂઆત ધીમે ધીમે કરો: હોઠ પર ટૂથબ્રશ કરાવવાનું શરૂ કરો પછી ધીમે ધીમે મોંની અંદર કરાવો
- અલગ-અલગ જગ્યા પર (જેમ કે બેડરૂમ અથવા સોફા) બ્રશ કરાવવાથી બાળકો વધુ હળવાશ અનુભવી શકે છે