اسٹارٹنگ ریسیپشن
تہاڈے بال دا سکول جان دا سفر گھر توں شروع ہوندا اے۔
باہمی تعاون نال بنایا گیا منجانب
Supported by
اسی سمجھنے آں کہ سارے بال اپنی رفتار نال نشوونما پاندے نیں، اتے اسی سارے پیدائش توں ای سکھ رئے آں۔ جدوں سکول شروع کرن دا ویلہ آوے گا، تاں کجھ بالاں نوں دوجیاں نالوں ودھ مدد دی لوڑ ہووے گی۔
کجھ اہم مہارتاں* نیں جہناں بارے سکول زیادہ تر بالاں کولوں اپنے پہلے دن توں پہلاں سکھنا شروع کرن دی توقع رکھدے نیں۔ ایہناں دی مشق کرن نال تہاڈے بال دا ریسپشن دا سفر جِنا ممکن ہو سکے مثبت ہو جائے گا۔
جے تہاڈا بال پہلے ای نرسری، پری سکول اچ اے، یا کسے چائلڈ مائنڈر نال اے، تاں اوہ پیشہ ور ماہر تیار کرن اچ مدد دین لئی تہاڈے تے تہاڈے بال نال رل کے کم کرن گے۔
اپنے بال دے اعتماد تے خوداعتمادی نوں ودھاون لئی تسی گھر اچ بہت کجھ کر سکدے او، جیہدے نال اوہناں نوں سکول شروع کرن لئی جذباتی تے عملی طور تے تیار محسوس کرن اچ مدد ملدی اے۔
*اسی ایس دستاویز نوں ’’اسٹارٹنگ ریسیپشن‘ دی تعریف آکھ رئے آں۔ کجھ لوک/تنظیماں ایہنوں 'سکول دی تیاری' دے طور تے حوالہ دیندیاں نیں۔
میں اپنے بال نوں تیار کرن اچ کیویں مدد کر سکدا/سکدی آں؟
- جدوں تہاڈا بال سکول شروع کرے گا تاں اونہاں کول بہت ساریاں نویاں سرگرمیاں تے مشغلے ہون گے جنہاں دی عادت پاونی ہووے گی۔ کجھ ایداں دیاں شیواں نیں جہناں دی اوہناں نوں پہلے توں ودھ خوداعتمادی نال کرن دی لوڑ ہووے گی۔
- تحقیق توں پتہ چلدا اے کہ بال دے اپنے ماں پیو نال تعلقات اوہدی نشوونما دا سب توں اہم عنصر اے، تے گھر وچ تسی بہت کجھ کر سکدے او۔
- جدوں تہاڈا بال تہاڈے یا کسے ہور نگہداشت کنندہ نال گھر ہوندا اے، تاں تسی مزے دار سرگرمیاں نال اک ٹبر دے طور تے مشق کر سکدے او (اسی ایس وسیلے دے آخر وچ لنکس شامل کیتے نیں)۔
- ایہناں وچوں کجھ مہارتاں نوں سِکھن اچ ویلا لگدا اے، ایس لئی ایہہ چنگا ہونا کہ تسی ایہناں نوں اپنے روزمرہ دے معمول دے حصے دے طور تے ہولی ہولی متعارف کرواؤ۔
جے میرا بال اضافی لوڑاں دا حامل ہووے تاں کیہ ہووے گا؟
- جے تہاڈے بال نوں ریسیپشن اچ واقف کار ہون لئی اضافی مدد دی لوڑ اے، تاں یقینی بناؤ کہ تسی اوہناں دے نویں استاد نال ودھ توں ودھ جانکاری شیئر کرو۔ اوہ تہاڈے بال دی مدد کرن لئی حکمت عملیاں لبھن لئی تہاڈے نال کم کر سکدے نیں۔
- گرمیاں اچ پیدا ہون آلے بال، یا اوہ جیہڑے انگریزی نوں بطور اضافی بولی (EAL) بولدے نیں، اوہناں نوں ہور مدد دی لوڑ ہو سکدی اے۔
- جے تہانوں پتہ اے یا شک اے کہ تہاڈے بال خصوصی تعلیمی لوڑاں (SEND)، نشوونما دے فرق یا تاخیر دا حامل اے، تاں ایہناں وچوں کجھ مہارتاں ایس ویلے اوہناں لئی قابلِ حصول نئیں ہو سکدیاں۔
- پیشگی مدد نال بہت فرق پیندا اے - اپنے بال دی نرسری، سکول، صحت دے وزیٹر، مقامی بالاں دے مرکز یا فیملی ہب توں مدد لئی پچھو۔
میں مدد لئی کیدے نال گل کر سکدا/سکدی آں؟
سارے بالاں نوں اپنے قابل اعتماد بالغاں دی مدد دی لوڑ ہوندی تاں جے اوہ ریسیپشن شروع کرن بارے پراعتماد تے پُرجوش محسوس کر سکن۔
- جے تہانوں ہور جانکاری دی لوڑ ہووے تاں تہاڈی چائلڈ مائنڈر/نرسری/پری سکول ٹیم یا تہاڈا ہیلتھ وزیٹر،چائلڈ سینٹر یا فیملی ہب مدد کر سکدا اے۔
- اسی تہانوں تے تہاڈے بال نوں اکٹھے تیار ہون اچ مدد لئی تنظیماں تے وسائل دی اک فہرست وی تھلے دتی اے۔
تعریف: اسٹارٹنگ ریسیپشن توں پہلاں مشق کرن آلیاں مہارتاں
نویاں مہارتاں سکھن اچ ویلا لگدا اے۔ گھر تے مشق کرن نال تہاڈے نال نوں سکول اچ سُکھ تے اعتماد ملے گا۔
ودھدی ہوئی خوداعتمادی
اپنے آپ دا خیال رکھنا
- اپنے کوٹ اتے جوتیاں پانا/لاہنا
- ٹوائلٹ ورتنا تے اپنے ہتھ دھونا
- تھوڑی جئی مدد نال کپڑے پانا، جیویں ٹوائلٹ ورتن یا PE توں بعد
- کٹلری (جیویں کانٹا اتے چمچ، چاپسٹکس) ورتنا اتے کُھلے کپ وچوں پینا
- تہاڈے توں دور ویلہ گزارنا، ایہہ سکھنا کہ دیکھ بھال کرن آلے بالغ لوک اوہناں دا خیال رکھ سکدے نیں
کھیڈ، تخلیقی صلاحیت اتے تجسس
- تصوری کھیڈ وچ حصہ لینا (جیویں رول پلے)
- ڈرائنگ، پینٹنگ، رنگنا تے چپکانا
- کہانیاں دیاں کتاباں سانجھیاں کرنا، تصویراں ویکھنا تے کرداراں بارے گلاں کرنا
- اپنے آلے دوآلے دی دنیا دی کھوج کرنا (مثال دے طور تے قدرتی دنیا نوں چنگی طرح ویکھنا، گھر اچ موجود شیواں نال محفوظ طریقے نال کھیڈنا)
سکول اچ تہاڈا بال بہت سارے نویں لوکاں نال ملے گا اتے نویاں دوستیاں بنائے گا۔ اوہناں نوں تیار ہون اچ مدد دیون لئی کجھ شیواں اچ شامل نیں:
تعلقات بنانا اتے گل بات کرنا
دوجیاں دے نال ویلہ گزارنا
- کھڈونیاں نوں سانجھا کرنا اتے واری چلن دی مشق کرنا
- اوہناں نال گل بات کرنا کہ اوہ کیویں محسوس کر رئے نیں اتے کیوں
- کہانیاں دیاں کتاباں نوں اکٹھے ویکھنا اتے ایس بارے کرنا اک چنگا طریقہ اے کہ اوہ احساس کیہڑے کرداراں نیں
- دوجیاں دے احساساں نوں پہچانا شروع کرنا، مثلاً جے کوئی یار اداس ہووے تاں اوہنوں سمجھنا
- اوہناں نوں اپنے آپ اتے دوجیاں دیاں حداں مقرر کرن لئی حوصلہ افزائی کرنا (مثال دے طور تے ایہہ جاننا کہ 'نئیں' کیویں آکھنا اے)
گل بات کرنا اتے بولی
- گیتاں اتے نرسری دی رباعیاں نال گانا
- دوجیاں نال سرگرمیاں، تجربیاں اتے اوہناں دے آلے دوآلے دی دنیا بارے خوشی نال گل بات کرنا
- واضح طور تے بول کے (بنیادی انگریزی یا اشاریاں دی بولی وچ) ایہہ ظاہر کرنا کہ اوہناں نوں مدد دی لوڑ اے
- اپنے ناں دے پیٹرن نوں پہنچاننا (تاں جے اوہ ایہنوں اپنے کوٹ پیگ یا جیکٹ تے لبھ سکن)
سننا اتے مشغول ہونا
- تھوڑے ویلے لئی توجہ دینا
- سادہ ہدایتاں سننا اتے اوہناں تے عمل کرنا
- کسے کم نوں اوکھے ویلے وی جاری رکھنا اتے جے کجھ غلط ہو جاندا اے تاں واپس اٹھنا
جسمانی نشوونما
دن اچ گھٹ توں گھٹ تن گھنٹے حرکت کرنا
- پئوڑیاں چڑھنا اتے لیہنا (اک ویلے اچ اک پیر، سپورٹ لئی کندھ دا استعمال کرنا)
- چڑھناں، بھجناں، چھالاں مارنا تے کھیڈناں
- اک وڈی گیند نوں پھڑناں (بہتا ویلہ)
- سادہ بُجھارتاں اتے دستکاری دیاں سرگرمیاں کرنا، کٹن اتے چپکان نال گرفت نوں مضبوط کرنا
صحت بخش معمولات
- ہر رات تقریباً اکو ویلے سونا، سکول لئی تیار ہون لئی ویلے سر اٹھناں
- سکرین ٹائم نوں تجویز کردہ روزانہ دی مقدار تیکر محدود کرنا (مشورہ ویکھو)
- صحت مند خوراک کھانا اتے نویں کھان پین دیاں شیواں آزمانا
- دن اچ دو واری فلورائیڈ ٹوتھ پیسٹ نال اپنے دنداں نوں برش کرنا (تہانوں ایہدی نگرانی کرنی پوے گی جدوں تیکر کہ اوہ گھٹ توں گھٹ 7 سال دے نہ ہو جان)
جے مینوں اپنے بال دی نشوونما بارے کوئی خدشہ ہووے تاں مینوں کیہ کرنا چاہیدا اے؟
- جے تسی اپنے بال دی نشوونما بارے فکر مند او، تاں اپنے چائلڈ مائنڈر/نرسری/پری سکول ٹیم، ہیلتھ وزیٹر، مقامی بالاں دے مرکز یا فیملی ہب نال گل کرو۔
- جے تہاڈے بال نوں نشوونما دی تاخیر اے یا SEND (مشکوک یا تصدیق شدہ) اے، تاں ریسیپشنن شروع کرن توں پہلاں اوہناں دی نرسری، چائلڈ مائنڈر، یا ہیلتھ وزیٹر/نرسری/پری سکول ٹیم نال گل کرو اتے جدوں تسی سکولاں دا انتخاب کر رئے ہوو تاں اوہناں دیاں لوڑاں تے تبادلہ خیال کرو۔
- تسی اپنے بال دی ابتدائی سالاں دی تھاں نال کم کر سکدے او تاں جے اپنے بال نوں خود دی دیکھ بھال، جذبات دے انتظام، سماجی مہارتاں تے گل بات کرن نال ایداں دی مدد کر سکو جیہڑی اوہدی نشوونما دے مرحلے دے مطابق ہووے۔
- ہو سکدا اے تسی ایہناں بارے تفصیلاں سانجھیاں کرنا چاہو: اوہناں دی نشوونما، لوڑاں، اوہناں نوں کیویں حوصلہ افزائی ملدی اے، کیہ مشکلاں دا سبب بن سکدا اے، اوہ کیویں سب توں چنگا سکھدے نیں، اتے کیہڑیاں حکمت عملیاں چنگی طرح کم کردیاں نیں۔
- ایہہ یقینی بناؤ کہ تسی اپنے بال دی مدد کرن آلے ہر اک شخص نال، سمیت اوہناں دے نویں ریسپشن دے استاد نال اہم جانکاری سانجھی کرو۔
وادھو لوڑاں آلے ٹبراں لئی وسائل:
ایداں دیاں بہت ساریاں تنظیماں نیں جہڑیاں اک ہموار منتقلی نوں یقینی بنان اتے اوہناں نوں مستقبل دی کامیابی لئی تیار کرن لئی، تہانوں، تہاڈے بال اتے اوہدی تعلیمی تھاں نوں تیار کرن لئی جانکاری اتے حکمت عملیاں نال تہاڈی مدد کر سکدیاں نیں۔
ایہناں اچ شامل نیں: